Dan 3 | Ndebele | STEP | UNebhukadinezari inkosi wenza isithombe segolide ; ubude baso babuzingalo ezingamatshumi ayisithupha, ububanzi baso buzingalo eziyisithupha; yasimisa egcekeni leDura , esabelweni seBhabhiloni .

1 UNebhukadinezari inkosi wenza isithombe segolide ^a; ubude baso babuzingalo ezingamatshumi ayisithupha, ububanzi baso buzingalo eziyisithupha; yasimisa egcekeni leDura ^b, esabelweni seBhabhiloni ^c. 2 UNebhukadinezari inkosi wasethumela ukubuthela ndawonye iziphathamandla ^{d
,} ^e, ababusi ^{f
,} ^g, lezinduna ^{h
,} ⁱ, abeluleki ^j, abaphathizikhwama ^k, abehluleli ^l, abathonisisi ^m, labo bonke ababusi bezabelo ⁿ, ukuze beze ekwehlukanisweni kwesithombe uNebhukadinezari inkosi ayesimisile. 3 Lapho iziphathamandla, ababusi, lezinduna, abeluleki, abaphathizikhwama, abehluleli, abathonisisi, labo bonke ababusi bezabelo ^o babuthana ndawonye ekwehlukanisweni kwesithombe uNebhukadinezari inkosi ayesimisile; basebesima phambi kwesithombe uNebhukadinezari ayesimisile. 4 Ummemezeli wasememeza ngamandla wathi: Liyalaywa, lina bantu, zizwe, lezindimi ^p, ukuthi: 5 Ngesikhathi elizwa ^q ngaso ukukhala ^r kophondo ^s, umhlanga ^t, ichacho ^{u
,} ^v, ichachwana, ugubhu lwezintambo, umfece, layo yonke imihlobo yokukhaliswayo, liwele phansi, likhonze isithombe segolide ^w uNebhukadinezari inkosi asimisileyo. 6 Njalo loba ngubani ongawi phansi, akhonze ^x, ngalesosikhathi uzaphoselwa phakathi kwesithando somlilo esivuthayo ^y. 7 Ngakho ngalesosikhathi ^z, lapho abantu bonke besizwa ukukhala kophondo, umhlanga, ichacho, ichachwana, ugubhu lwezintambo, layo yonke imihlobo yokukhaliswayo ^aa, bonke abantu, izizwe, lezindimi ^ab, bawela phansi, bakhonza isithombe segolide ^ac uNebhukadinezari inkosi ayesimisile.

8 Ngakho ngalesosikhathi ^ad amaKhaladiya athile ^ae asondela ^af, ahleba amaJuda ^ag. 9 Aphendula athi kuNebhukadinezari inkosi: Nkosi, phila kuze kube nininini ^ah! 10 Wena nkosi, wenzile umlayo ^ai, ukuthi wonke umuntu ozakuzwa ukukhala kophondo, umhlanga, ichacho, ichachwana, ugubhu lwezintambo, lomfece, layo yonke imihlobo yokukhaliswayo ^aj, uzawela phansi akhonze isithombe segolide ^ak; 11 njalo loba ngubani ongawi phansi, akhonze ^al, uzaphoselwa phakathi kwesithando somlilo ovuthayo ^am. 12 Kukhona amaJuda athile owamise phezu komsebenzi ^an wesabelo seBhabhiloni ^ao, oShadraki, uMeshaki, loAbedinego; la amadoda, nkosi, kawakunakanga; kawakhonzi onkulunkulu bakho, kawakhothameli isithombe segolide osimisileyo ^ap.

13 Lapho uNebhukadinezari ekuthukutheleni lekuvutheni kolaka walaya ukuletha oShadraki, uMeshaki, loAbedinego ^aq. Khonokho lawomadoda alethwa phambi kwenkosi. 14 UNebhukadinezari waphendula wathi kubo: Kungamabomu yini, Shadraki, Meshaki, loAbedinego ^ar, lingakhonzi onkulunkulu bami, lingakhothameli isithombe segolide engisimisileyo ^as? 15 Khathesi, uba selilungile ukuthi ngesikhathi lisizwa ukukhala kophondo, umhlanga, ichacho, ichachwana, ugubhu lwezintambo, lomfece, layo yonke imihlobo yokukhaliswayo ^at, liwele phansi, likhonze isithombe engisenzileyo ^au, kuhle; kodwa uba lingakhonzi ^av, ngalesosikhathi lizaphoselwa phakathi kwesithando somlilo ovuthayo ^aw. Ngubani-ke lowoNkulunkulu ozalikhulula ezandleni zami ^ax? 16 OShadraki, uMeshaki, loAbedinego ^ay baphendula bathi enkosini: Nebhukadinezari, kasidingi ^az ukukuphendula kuloludaba ^ba. 17 Uba kungenzeka, uNkulunkulu wethu esimkhonzayo ulakho ukusikhulula esithandweni somlilo ovuthayo; njalo uzasikhulula esandleni sakho, nkosi ^bb. 18 Kodwa uba kungenjalo, kakwaziwe kuwe, nkosi, ukuthi kasiyikubakhonza onkulunkulu bakho, lokuthi kasiyikukhothamela isithombe segolide osimisileyo.

Isithando somlilo

19 Lapho uNebhukadinezari wagcwala ulaka ^bc, lesimo sobuso bakhe sabaguqukela oShadraki, uMeshaki loAbedinego; waphendula, walaya ukuthi batshise isithando kasikhombisa ngaphezu kwalokho okwejwayeleke ukutshiswa ngakho. 20 Waselaya amadoda alamandla ayesebuthweni lakhe ukuthi abophe oShadraki, uMeshaki, loAbedinego, ukuthi babaphosele esithandweni somlilo ovuthayo. 21 Lawomadoda asebotshwa embethe izembatho zawo, amabhulugwe awo ^bd, lezingowane zawo, lezinye izigqoko zawo ^be, aphoselwa phakathi kwesithando somlilo ovuthayo. 22 Ngakho ngenxa yokuthi ilizwi lenkosi belibukhali, lesithando sitshisa kakhulu ^bf, ilangabi lomlilo labulala lawomadoda ayethwele oShadraki, uMeshaki, loAbedinego ^bg. 23 Lala amadoda amathathu, oShadraki, uMeshaki, loAbedinego, awela phansi ebotshiwe phakathi kwesithando somlilo esivuthayo ^bh. 24 Lapho uNebhukadinezari inkosi wethuka, wasukuma ngokuphangisa ^bi, waphendula wathi kubeluleki bakhe ^bj: Kasiphoselanga amadoda amathathu ebotshiwe phakathi komlilo yini? Baphendula bathi enkosini: Liqiniso, nkosi. 25 Yaphendula yathi: Khangelani, ngibona amadoda amane ekhululekile ehamba phakathi komlilo ^bk, njalo kakukho ukonakala kuwo ^bl; njalo isimo seyesine sifanana lendodana yabonkulunkulu ^bm.

26 Lapho uNebhukadinezari wasondela emnyango wesithando somlilo esivuthayo, waphendula, wathi: Shadraki, Meshaki, loAbedinego, lina zinceku zikaNkulunkulu oPhezukonke ^bn, phumani, lize. Lapho oShadraki, Meshaki, loAbedinego baphuma phakathi komlilo. 27 Iziphathamandla ^bo, ababusi ^bp, lezinduna ^bq, labeluleki benkosi ^br, sebebuthene, babona la amadoda, umlilo owawungazanga ube lamandla phezu kwemizimba yawo ^bs, okwakungahangulwanga lonwele lwekhanda lawo, lezambatho zawo ezazingaguqukanga, lokunuka komlilo okwakungedlulanga kiwo ^bt. 28 UNebhukadinezari waphendula, wathi: Kadunyiswe uNkulunkulu kaShadraki, uMeshaki, loAbedinego, othume ^bu ingilosi yakhe ^{bv
,} ^bw, wakhulula izinceku zakhe ^bx ezimthembileyo ^by, zaze zaguqula ilizwi lenkosi, zanikela imizimba yazo, ukuze zingakhonzi zingakhuleki lakuwuphi unkulunkulu ngaphandle kukaNkulunkulu wazo ^bz. 29 Ngakho umlayo wenziwa yimi ^ca, ukuthi bonke abantu, isizwe, lolimi ^cb, olukhuluma okungafanelanga okumelene loNkulunkulu kaShadraki, uMeshaki, loAbedinego, uzaqunywa iziqa ^cc, lendlu yakhe yenziwe inqumbi yomquba; ngoba ^cd engekho omunye unkulunkulu olakho ukophula njengalokhu ^ce. 30 Lapho inkosi yabaphumelelisa oShadraki, uMeshaki, loAbedinego, esabelweni seBhabhiloni ^cf.